<<
>>

ТРОПАРИ, КОНДАКИ И ВЕЛИЧАНИЯ ОБЩИЕ СВЯТЫМ В ПРАЗДНИКИ БОГОРОДИЧНЫЕ

Тропарь, глас 4-й

К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовав- ши, потщися, погибаем от множества прегрешений, не отврати Твоя рабы тщи, Тя бо єдину надежду имамы.

Другой тропарь, глас тот же

Не умолчим никогда, Богородице, силы Твоя глаголати недостойнии, аще бо Ты не бы предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от Тебе, Твоя бо рабы спасаеши присно от всяких лютых.

Коцдак, глас 6-й

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти; ускори на молитву и потщися на умоление, предстательствующи присно, Богородице, чтущих Тя.

Другой коцдак, глас 6-й

Не имамы иныя помощи, не имамы иныя надежды, разве Тебе, Владычице, Ты нам помози, на Тебе надеемся и Тобою хвалимся, Твои бо есмы рабы, да не постыдимся.

Величание

Величаем Тя, Пресвятая Дево, Богоизбранная Отроковице, и чтим образ Твой святый, им- же точиши исцеления всем, с верою притекающим.

Небесным силам бесплотным

Тропарь, глас 4-Й

Небесных воинств Архистратизи, молим вас присно мы недостойнии, да вашими молитвами оградите нас кровом крил невещественныя вашея славы, сохраняюще нас, припадающих прилежно и вопиющих: от бед избавите нас, яко чиноначальницы Вышних сил.

Ковдак, глас 2-Й

Архистратизи Божии, служителие Божественныя славы, Ангелов начальницы и человеков наставницы, полезное нам просите и велию милость, яко безплотных Архистратизи.

Величание

Величаем вас, Архангели и Ангели и вся воинства, Херувими и Серафими, славящия Господа.

Пророку

Тропарь, глас 2-й

Пророка Твоего (имя) память, Господи, праздную- ще, тем Тя молим, спаси души наша.

Коцдак, глас 4-й

Просветившееся Духом чистое твое сердце пророчества бысть светлейшаго приятелище: зриши бо, яко настоящая, далече сущая; сего ради тя почитаем, пророче блаженне (имя), славне.

Величание

Величаем тя, святый пророче Божий (имя), и чтим святую память твою, ты бо молиши за нас Христа Бога нашего.

Апостолу

Тропарь, глас 3-Й

Апостоле святый {имя), моли милостиваго Бога, да прегрешений оставление подаст душам нашим.

Коцдак, глас 4-й

Яко звезду пресветлую Церковь всегда стяжа тя, апостоле {имя), чудес твоих многоподаванием просвещаема. Темже зовем Христу: спаси чтущих верою память Твоего апостола, Многомилостиве.

Величание

Величаем тя, апостоле Христов {имя), и чтим болезни и труды твоя, имиже трудился еси во благовестии Христове.

<< | >>
Источник: Русская Православная Церковь. Паломнику в дорогу: православный календарь на 2012 год с молитвословом. — М.: Благовест. —240 с. 2011

Еще по теме ТРОПАРИ, КОНДАКИ И ВЕЛИЧАНИЯ ОБЩИЕ СВЯТЫМ В ПРАЗДНИКИ БОГОРОДИЧНЫЕ:

  1. ТРОПАРИ, КОНДАКИ И ВЕЛИЧАНИЯ ПРАЗДНИКОВ
  2. ТРОПАРИ, КОНДАКИ И ВЕЛИЧАНИЯ ПРАЗДНИКОВ
  3. ВЕСЕННЕ-ЛЕТНИЕ ПРАЗДНИКИ И ОБРЯДЫ. ПАСХАЛЬНЫЕ ПРАЗДНИКИ. Вербное воскресенье.
  4. Кондак Богородице
  5. ТРОПАРИ
  6. ТРОПАРИ, ГЛАС 8-Й
  7. СВАДЕБНЫЕ ПЕСНИ, ВЕЛИЧАНИЯ И  ПРИЧИТАНИЯ
  8. ДИСПУТ в визии (Том, содержащий сообщение о догматах, бывших предметом спора между святым Максимом и Феодосием, епископом Кесарии Вифинской, и консулами, которые были с ним) 1.
  9. 2.2. Ответ Преподобного Амвросия старца Оптинского благосклонным к латинской церкви о несправедливом величании папистов мнимым достоинством их церкви14
  10. Праздники
  11. ПРАЗДНИК И ПАМЯТНИК
  12. Обряды и праздники
  13. Праздники в исламе
  14. Другие праздники.
  15. СУББОТА И ПРАЗДНИКИ
  16. Праздник Науруз
  17. Праздники паломничества (16:1-17)
  18. Праздники Ханука и Пурим.
  19. Праздники паломников