ПЕСНЬ 6 Ирмос: В бездне греховней валялся, неизследную милосердия Твоего призываю бездну: от тли, Боже, мя возведи.

Да бых устранился от страстей и Твоея благодати имел бы приложение, живота же утверждение, причащением Святых, Христе, Тайн Твоих.

Богородичен: Божие, Боже, Слово Святое, всего мя освяти, ныне приходящаго к Божественным Твоим Тайнам, Святыя Матере Твоея мольбами.

КОНДАК, ГЛАС 2-Й

Хлеб, Христе, взяти не презри мя, Тело Твое и Божественную Твою ныне Кровь, пречистых, Владыко, и страшных Твоих Тайн причаститися окаяннаго, да не будет ми в суд, да будет же ми в живот вечный и безсмертный.

ПЕСНЬ 7

Ирмос: Телу златому премудрым дети не послужиша, и в пламень сами поидоша, и боги их обругаша, среди пламене еозопиша, и ороси я Ангел: услышася уже уст ваших молитва.

Источник благих, причащение, Христе, безсмерт- ных Твоих ныне Таинств да будет ми свет и живот, и безстрастие, и к преспеянию же и умножению добродетели Божественнейшия ходатайственно, Едине Блаже, яко да славлю Тя.

Да избавлюся от страстей и врагов, и нужды, и всякия скорби, трепетом и любовию со благоговением, Человеколюбче, приступаяй ныне к Твоим безсмертным и Божественным Тайнам; и пети Тебе сподоби: благословен еси, Господи, Боже отец наших.

Богородичен: Спаса Христа рождшая паче ума, Богоблагодатная, молю Тя ныне, раб Твой, Чистую нечистый: хотящаго мя ныне к пречистым Тайнам приступити, очисти всего от скверны плоти и Духа.