молитвы НА СОН ГРЯДУЩИМ

МОЛИТВА ПРЕДНАЧИНАТЕЛЬНАЯ

Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых, помилуй нас.

Слава Тебе, Боже наш, слава Тебе.

МОЛИТВА СВЯТОМУ ДУХУ

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

[От Пасхи до Вознесения вместо этой молитвы читается тропарь:

Христос воскресе из мертвых, смертию смерть поправ, и сущим во гробех живот даровав. (Трижды.)

От Вознесения до Троицы после молитвы предначи- нательной сразу читаем «Святый Боже...»]

ТРИСВЯТОЕ

Святый Боже, Святый Крепкий, Святый Без- смертный, помилуй нас. (Читается трижды, с крестным знамением и поясным поклоном.)

Слава Отцу и Сыну и Святому Духу, и ныне и присно и во веки веков. Аминь.

МОЛИТВА ПРЕСВЯТОЙ ТРОИЦЕ

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй. (Трижды.). Слава, и ныне.

МОЛИТВА ГОСПОДНЯ

Отче наш, Иже еси на Небесех! Да святится имя Твоє, да приидет Царствие Твое, да будет воля Твоя, яко на Небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.