<<
>>

МОЛИТВА СВЯТОГО ИОАННА ЗЛАТОУСТОГО

Верую, Господи, и исповедую, яко Ты еси во- истинну Христос, Сын Бога живаго, пришедый в мир грешныя спасти, от нихже первый есмь аз. Еще верую, яко сие есть самое пречистое Тело Твое, и сия есть самая честная Кровь Твоя.
Молюся убо Тебе: помилуй мя и прости ми прегрешения моя, вольная и невольная, яже словом, яже делом, яже ведением и неведением, и сподоби мя неосужденно причаститися пречистых Твоих Таинств во оставление грехов и в жизнь вечную. Аминь.

Приходя же причаститься, произноси мысленно эти стихи Метафраста:

Се приступаю к Божественному Причащению.

Содетелю, да не опалиши мя приобщением:

Огнь бо еси, недостойныя попаляяй.

Но убо очисти мя от всякия скверны.

Затем:

Вечери Твоея тайныя днесь, Сыне Божий, причастника мя приими; не бо врагом Твоим тайну повем, ни лобзания Ти дам, яко Иуда, но яко разбойник исповедаю Тя: помяни мя, Господи, во Царствии Твоем.

И стихи :

Боготворящую Кровь ужаснися человече, зря,

Огнь бо есть, недостойныя попаляяй.

Божественное Тело и обожает мя и питает:

Обожает дух, ум же питает странно.

Потом тропари: Усладил мя еси любовию, Христе, и изменил мя еси Божественным Твоим рачением; но попали огнем невещественным грехи моя, и насытитися еже в Тебе наслаждения сподоби: да, ликуя, возвеличаю, Блаже, два пришествия Твоя.

Во светлостех Святых Твоих како вниду, недостойный? Аще бо дерзну совнити в чертог, одежда мя обличает, яко несть брачна, и связан извержен буду от Ангелов. Очисти, Господи, скверну души моея и спаси мя, яко Человеколюбец.

Также молитву:

Владыко Человеколюбче, Господи Иисусе Христе, Боже мой, да не в суд ми будут Святая сия, за еже недостойну ми быти: но во очищение и освящение души же и тела, и во обручение будущия жизни и Царствия. Мне же, еже прилеплятися Богу, благо есть, полагати во Господе упование спасения моего.

И еще:

Вечери Твоея тайныя днесь, Сыне Божий, причастника мя приими; не бо врагом Твоим тайну повем, ни лобзания Ти дам, яко Иуда, но яко разбойник исповедаю Тя: помяни мя, Господи, во Царствии Твоем.

<< | >>
Источник: Русская Православная Церковь. Паломнику в дорогу: православный календарь на 2012 год с молитвословом. — М.: Благовест. —240 с. 2011
Помощь с написанием учебных работ

Еще по теме МОЛИТВА СВЯТОГО ИОАННА ЗЛАТОУСТОГО:

  1. МОЛИТВА 2-Я, святого ИОАННА ЗЛАТОУСТОГО
  2. Молитва святого Иоанна Дамаскина
  3. 9 ФЕВРАЛЯ (27 ЯНВАРЯ СТ. СТ.), ЧЕТВЕРГ. Перенесение мощей свт. Иоанна Златоуста (438)
  4. XI. Послание апостола Павла к Римлянам, 5:12 в понимании св. Иоанна Златоуста и блаж. Августина
  5. МОЛИТВА 6-Я, СВЯТОГО СИМЕОНА НОВОГО БОГОСЛОВА
  6. Родос и рыцари-госпитальеры ордена святого Иоанна
  7. ГЛАВА 9 Объясняет следующие слова Святого Писания: если же человек согрешит против Господа, то кто будет ходатаем о нем? И, приводя другие места, доказывает, что слова эти не означают, будто о таком грешнике никто не должен молиться, но надо только искать достойного молитвенника, какими были Моисей и Иеремия, ради молитв которых Бог простил израильскому народу
  8. ИОАНН ЗЛАТОУСТ (344 - 407 )
  9. IX. Свт. Иоанн Златоуст
  10. ИОАНН ЗЛАТОУСТ, ВСЕЛЕНСКИЙ УЧИТЕЛЬ
  11. ГЛАБА 19 Святой Иоанн Златоуст I. Антиохийские годы