<<
>>

МОЛИТВА 5-Я, ко ПРЕСВЯТОЙ БОГОРОДИЦЕ

Пресвятая Владычице Богородице, свете помра- ченныя моея души, надеждо, покрове, прибежище, утешение, радование мое, благодарю Тя, яко спо- добила мя еси, недостойнаго, причастника быти Пречистаго Тела и Честныя Крове Сына Твоего. Но, рождшая истинный Свет, просвети моя умныя очи сердца; Яже источник безсмертия рождшая, оживотвори мя умерщвленнаго грехом; Яже милостиваго Бога любоблагоутробная Мати, помилуй мя, и даждь ми умиление и сокрушение в сердце моем, и смирение в мыслех моих, и воззвание в пленениих помышлений моих; и сподоби мя до последняго издыхания неосужденно приимати Пречистых Тайн освящение во исцеление же души и тела.
И подаждь ми слезы покаяния и исповедания, во еже пети и славити Тя во вся дни живота моего, яко благословенна и препрославленна еси во веки. Аминь.

Ныне отпущаеши раба Твоего, Владыко, по глаголу Твоему с миром, яко видеста очи мои спасение Твое, еже еси уготовал пред лицем всех людей, свет во откровение языков и славу людей Твоих, Израиля.

Святый Боже, Святый Крепкий, Святый Без- смертный, помилуй нас. (Читается трижды, с крестным знамением и поясным поклоном.)

Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй. {Трижды.). Слава, и ныне:

Отче наш, Иже еси на Небесех, да святится имя Твое, да приидет Царствие Твое, да будет воля Твоя, яко на Небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Если совершалась Литургия святого Иоанна Злато- устого:

ТРОПАРЬ СВЯТОМУ ИОАННУ ЗЛАТОУСТОМУ, ГЛАС 8-Й

Уст твоих, якоже светлость огня, возсиявши благодать, вселенную просвети; не сребролюбия мирови сокровища сниска, высоту нам смиренномудрия показа, но, твоими словесы наказуя, отче Иоанне Златоусте, моли Слова Христа Бога спастися душам нашим.

КОНДАК, ГЛАС 6-Й

Слава: От небес приял еси Божественную благодать, и твоими устнами вся учиши покланятися в Троице Единому Богу, Иоанне Златоусте все- блаженне, преподобне, достойно хвалим тя: еси бо наставник, яко божественная являя.

И ныне: Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.

Если совершалась Литургия святого Василия Великого:

ТРОПАРЬ ВАСИЛИЮ ВЕЛИКОМУ, ГЛАС 1 -й

Во всю землю изыде вещание твое, яко приемшую слово твое, имже боголепно научил еси, естество сущих уяснил еси, человеческия обычаи украсил еси, царское священие, отче преподобне, моли Христа Бога, спастися душам нашим.

КОНДАК, ГЛАС 4-Й

Слава: Явился еси основание непоколебимое Церкве, подая всем некрадомое господство человеком, запечатлея твоими веленьми, небоявленне Ва- силие преподобне.

И ныне: Предстательство христиан непостыдное, ходатайство ко Творцу непреложное, не презри гре- шных молений гласы, но предвари, яко Благая, на помощь нас, верно зовущих Ти: ус кори на молитву и потщися на умоление, предстательствующи присно, Богородице, чтущих Тя.

Если совершалась Литургия Преждеосвященных Даров:

ТРОПАРЬ СВЯТОМУ ГРИГОРИЮ ДВОЕСЛОВУ, ГЛАС 4-Й

Иже от Бога свыше Божественную благодать вос- прием, славне Тригорие, и Того силою укрепляемь, евангельски шествовати изволил еси, отонудуже у Христа возмездие трудов приял еси, всеблаженне; Егоже моли, да спасет души наша.

КОНДАК, ГЛАС 3-Й

Слава: Подобоначальник показался еси Начальника пастырем Христа, иноков чреды, отче Тригорие, ко ограде небесней наставляя, и оттуду научил еси стадо Христово заповедем Его: ныне же с ними радуешися и ликуеши в небесных кровех.

И ныне: Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ус кори на молитву и потщися на умоление, предстательствующи присно, Богородице, чтущих Тя.

Господи, помилуй (12раз). Слава, и ныне.

Честнейшую Херувим и славнейшую без сравнения Серафим, без нетления Бога Слова рождшую, сущую Богородицу Тя величаем.

Слава, и ныне: Господи, помилуй. (Трижды.)

Господи, Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых помилуй нас. Аминь.

После причащения да пребывает каждый в чистоте, воздержании и немногословии, чтобы достойно сохранить в себе принятого Христа.

<< | >>
Источник: Русская Православная Церковь. Паломнику в дорогу: православный календарь на 2012 год с молитвословом. — М.: Благовест. —240 с. 2011

Еще по теме МОЛИТВА 5-Я, ко ПРЕСВЯТОЙ БОГОРОДИЦЕ:

  1. ОТКРОВЕНИЕ ПРЕСВЯТОЙ БОГОРОДИЦЫ (О наказаниях)
  2. Пресвятая Богородица гонит от нас демонов
  3. 59 Пресвятая Богородица — Владычица Грузии
  4. Чудотворные иконы Пресвятой Богородицы
  5. Праздник Знамения Пресвятой Богородицы
  6. 1 сентября (19 августа ст. ст.), суббота. Попразднство Успения Пресвятой Богородицы.
  7. 25 марта/7 апреля Благовещение Пресвятой Богородицы
  8. 5 СЕНТЯБРЯ (23 АВГУСТА СТ. СТ.), СРЕДА. Отдание праздника Успения Пресвятой Богородицы.
  9. АПРЕЛЯ (25 МАРТА СТ. СТ.), СУББОТА. БЛАГОВЕЩЕНИЕ ПРЕСВЯТОЙ БОГОРОДИЦЫ
  10. КАНОН СОВМЕЩЕННЫЙ Покаянный ко Господу нашему Иисусу Христу, молебный ко Пресвятой Богородице и Ангелу хранителю
  11. 28 августа (15 августа ст. ст.), вторник. УСПЕНИЕ ПРЕСВЯТОЙ ВЛАДЫЧИЦЫ НАШЕЙ БОГОРОДИЦЫ И ПРИСНОДЕВЫ МАРИИ
  12. 4 ДЕКАБРЯ (21 НОЯБРЯ СТ. СТ.), ВТОРНИК. Рождественский пост. ВВЕДЕНИЕ (ВХОД) ВО ХРАМ ПРЕСВЯТОЙ ВЛАДЫЧИЦЫ НАШЕЙ БОГОРОДИЦЫ И ПРИСНОДЕВЫ МАРИИ
  13. сентября (8 сентября ст. ст.), пятница. РОЖДЕСТВО ПРЕСВЯТОЙ ВЛАДЫЧИЦЫ НАШЕЙ БОГОРОДИЦЫ И ПРИСНОДЕВЫ МАРИИ
  14. июля (8 июля ст. ст.), СУББОТА. Явление иконы Пресвятой Богородицы во граде Казани (1579).
  15. 14 ОКТЯБРЯ (1 ОКТЯБРЯ СТ. СТ.), ВОСКРЕСЕНЬЕ. Неделя 19-я по Пятидесятнице. Глас 2-й. Покров Пресвятой Владычицы нашей Богородицы и При- снодевы Марии.
  16. 3. ЗНАМЕНИЕ УЖАСНО И ПРЕСЛАВНА И КАКО СПАСЕН БЫСТЪ ГРАД МОСКВА ОТ НАШЕСТВИЯ БЕЗБОЖНЫХ ТАТАР ИЖЕ К БОГУ МОЛИТВАМИ ПРЕЧИСТЫЯ БОГОРОДИЦЫ И ВЕЛИКИХ ЧУДОТВОРЦЕВ РУССКИХ. И КАКО БОЖЬИМ ПОСОБИЕМ САМИ БЕЗБОЖНИИ ПОБЕГОША.
  17. Кондак Богородице
  18. 28 августа Успение Богородицы
  19. в) Непорочное зачатие Пресвятой Девы Марии