Видимый мир и невидимый

Волны — высоких мысли.

Горы. Толк: пророческия книги.

Дексикрат. Толк: деснодержец, иже десная философовская держаи, сиреч старейшина в философех.

Дамаскинова книга. Толк: филосовская книга.

Етимология — истиннословие. Писано о сем пространне в «мыслете».

Исполати деспота. Толк: многолетствуи, владыко.

Исократ. Толк: Исократ — еллинский мудрец, иже беяше во дни Александра Макидонского в лета 5363 (145 до н. э.)

Ираклид. Еллинский философ беяше в та же время в лето 5363 (145 до н. э.)

Константинополь. Толк: твердый град, «констя» бо по еллински глаголется тверд, а «поле» — град.

Квалитатес. Толк: качество. Яко ж бы кто вопросил бы, каков человек в лице — черн или бел, или стар, или млад, смертное и без- смертное, и прочая. Се есть качество и в древесех, и в каменех, и в прочих вещех.

Количество — мера колика, мала или велика.

Парение. Толк: помысл и хотение на всякое дело, на доброе и на злое.

Прилог. Толк: слово просто или образ прилучьшаго ся, новояв- ленне в сердце вносимо.

Причина — напутие.

Ратуша. Толк: полата, в ней же суд творяху или разбойная изба.

Риторика. Толк: лепоглаголанная.

Стихия — вещи или составы. 4 суть стихии: первая — воздух, вторая — вода, третья — персть, четвертая — огнь. Воздух ражает воду, вода ражает персть, от персти ражается огнь. Есть убо огнь тепл и сух, воздух сух и мокр, вода же студена и мокра. Персть и вода долу влекуща, яко тяжчаиша, воздух же и огнь горе влекуща, яко легъчаиша.

Скураты. Толк: воображения человеческая, на досках истесаны.

Спафарие. Толк: меченосец.

Толкование изображения старца-космоса

Что ради пишется на иконах «Сшествие Святаго Духа» — стоит человек, старостию одержим, в месте темне, а на нем риза червлена и венец царьскии на главе его, в руках своих имея убрус бел, а в нем 12 свитков?

Толк. Человек есть весь мир. А еже старостию одержим, то суть престарелся Адамовым преступлением. А еже в мемсте темне — преже бяше весь мир в неверии. Риза же червлена — приношением к бесом кровных жертв. Венец же царьский на главе его, понеже царьствовавше тогда грех в мире. А еже в руках своих имеет убрус бел и в нем 12 свитков, то суть два на десять апостол, ими же весь мир просветися. Сие писание истолковано обретох, а не вем, откуды взято.

И аз о том пытал мастера Николая Бюлева любчанина. И он мне отвечал: У нас так не пишут. А у вас иконники пишут да что толкуют о том? И аз ему молвил, не пытал есми еще ни кого о том. И он молвит иконником, де и пишучи иконы, да неведомые образцы вводити. Надобе им разумети писания Великого доктора о сем образце.

Мановение. Толк: глядение с помыслом.

Материя. Толк: естество.

Мафиматийския книги. Их же суть 4: арфиматикии, мусикии, диоместрии, астрономии — черныя книги отреченныя.

Пристрастие. Толк: печаль о животах и о недостатце имения, о роде и друзех или о всяком земном житии печаль.

(Рукопись ГБЛ, ф. 299, Тихонр., № 445)

Библиа. Толк: книга. Библиотека. Толк: двор печатных книг.

Вифлиотека — двор книжный.

Византиа — Царьград тако нарицаем бе прежде.

Гиометриа. Толк: есть книга отреченная, по латински тако именуема.

Геометрия — землемерие.

Живописец — изящный иконописец.

Зодчии. Толк: здатель каменным и плинфяным храминам, еже есть каменщик. Ино бо есть архитекток, и древодель, и йно зодчии.

Зодии. Толк. Зодиями наричет дванадесять звезд, их же астролози описут во образе животных, наричюще их сице: овен, юнец, лев и прочая.

(Максим Грек)

Литера. Толк: ключевое или азбучное словцо.

Логийское. Толк: словесное или многословное.

Непщую. Толк: мню.

Недро. Толк: пазуха морская, еже есть раздолина гладкая.

Художьство. Толк: хитрость деаниям коего ремесла.

Хроно — лето, еже есть год. Хороиограф — летописец.

(Рукопись ГБЛ, ф. 299, Тихонр., № 473)

Апофес. Толк: вещь.

Апоиаретес. Толк: мудрость.

Анам. Толк: вселенная.

Аристотель. Философ еллинский бе в лето 5360 (148 до н. э.). Сей Александру Македонскому учитель бе. Аксильмеиис — еллиньски риторь, сиречь хитрословец. Бе со Аристотелем учитель Александру Македонскому.

Бытие. Толк. Бытие есть, еже от Бога первое сотворение, сех ради и здание бытия глаголется, а не родство. Родъство ж от осуда смерти, преступления ради.

Вселенная. Толк: весь свет.

Восхлащение страстей. Толк: возражение похотей или обуздание.

О душевном тринастии

Душа разделяется на словесное и яростное и похотное. Словесна го убо согрешения суть сия: неверие, ересь, безумие, неразсуждение, хула, сложения греховнаго от страстныя части. Врачевание же сим исцеление: несуменная яже к Богу вера, и истинная веления, частое поучение словесем духовным, чистая молитва, непрестанное к Богу благодарение. Яростнаго суть согрешения сия: немилосердие, ненависть, немилостивное, памятозлобие, зависть, убийство и частое о таковых поучение. Целба же сим, яко любное братолюбием спострадание, рекше милование, незлобие, благость. Похотнаго согрешения суть сия: чревообядение, блуд, нечистота, всяк чрезестественный грех, любоимение, славохотие. Исцеление же сим: воздержание имению, к нищим разточение, безсмертных онех желание, царства Божия хотения и ино положения любления.

Иверская.

Исихие. Толк. Богиня была у египтян Исихис и честно имя ея египтяне имяху. Того ради и детем своим даяху имена Исихие. Толкует же ся Исихие — молчалив или безмолвник.

Иринис. Толк. Мир, еже бо другу со другом мирно пребывати. Таковый бо любовный мир, по гречески наричется иринис. (eiQrjvri)

Козмос. Толк. Мир, рекше мирстии человецы или вся тварь, еже есть видимый мир и невидимый. (хоацов) (Максим Грек)

Капитолия. Толк. В Риме бе столп каменны зело превелик, по римски нарицаем Капетолион, сиречь глава граду. В нем же идолом жряху.

Каталогос. Толк. Каталоги от «ката», что есть краткой, «логос» — иже есть слово. Речется: многа кратка приемлющи.

Кодекс. Толк. Книга, содержащая в себе разныя книги.

Кулумъна — столп. Столп разделяется на три имени: колумна, столп, базис, иже под столпом испод.

Каллиопия. Толк. Каллиопия есть едина от девяти мус, яже по еллинех предстоит творцовой премудрости, иже умудряет творцов прекрасны книги составляти.

Лицемерие. Толк. Еже кто пред человеки творит ся духовен, а в тайне творит злая или со другом глаголет та, а в сердцы имать иная.

Митрополи. Толк: матери градовом. По гречески митрополь, а по руски болшой град над грады, яки мати всем градом.

Метаморфосис: Толк: преображение.

Мудръствуют. Толк: умышляют.

Максим (рим.). Мегистос (тр.). Величайшим (руски).

Милисие. Толк: воинство.

Омусия. Толк: единосущество. (Слово на Воздвиженье креста, Чепь Златая)

Онокентаврь — зверь, от головы как человек, а от ног как осел, по словенску — китоврас. Псалтырь. Толк. Во евреох бе соделан сосуд древян и на нем бяху 10 струн. Нарицаше же ся древяныи той сосуд по еллински псалтырь, а по руски песневець. Играху же еврее в древяныи той псалтырь, егда хвалити им Бога... Духовный псалтырь, сиречь святая книга царя Давида, еже ныне непрестанно поется от православных христиан.

Паренесис или Паременик. Толк. Паренесис по гречески именуется книга Ефрема Сирина, понеже содержит в себе словеса приточна и молебна и наказателна.

( Ефрем)

Пандекта.

Патерик. Толк: отечник.

Пролог. Толк. Пролетный, рекше чрез вселетная словеса.

Пажить. Толк. По чювственному пажить толкуется — поле злачно, рекше травное, потребно в пищи скотом. А по духовному пажить толкуется — святая церковь, исполнена живоноснаго закона духовных словес. И паки пажить духовная — еже во царствии Божии праведных вечных благ наслаждение.

Презорство. Толк. Еже кто своя великия и тяжкия грехи забыв, а чюжая и малейшая грехи по тонку истязуя и немилостивно обличая и осужая — се суть презорство.

(Лествица)

Психос. Толк: душа.

Ритор. Толк. Речеточец, сиречь разумеваяи и мног и писати и глагол ати. (Деяния)

Рожение и порожение. Толк. Рожение от человек плотскии, а по- рожение от Бога духовне, еже по крещении Святым Духом бываемо.

(Григорий Богослов)

Русалия. Толк: игры скоморошеские.

Савваоф. Толк: сила.

Символ. Толк: исповедание веры. (Максим Грек)

Самолюбие — еже к телу страсть и угодие тому.

Сатана. Толк: сопротивник.

Савареос (персид.). Толк: отець бесовскии.

Смиренномудрие — покорная мудрость.

Синагог — сонм.

Темир (тат.). Толк: Иаксак, железный хромец.

Титан. Толк. Преисподнии бес. Неции се имя мнят быти, еже пишет во Апокалипсисе число зверино, число человеческо и число его 666. И того ради полагают быти имя се Титан, но о сем достоит з добре ведущими совопршатися. (Апокалипсис)