СЛОВО О НЕКОЕМ ИГУМЕНЕ, ЕГО ЖЕ ИСКУСИ ХРИСТОС ВО ОБРАЗЕ НИЩЕГО


Общему житию бе некто старейшина игумен, имея под собою братии не менее двою сту. Иже бе исперва нищелюбив, последи же славолюбив, и имея велику любовь к богатым, и к боляром, и от тех славим. К сему Господь яко старец убог в монастырь вниде.
И рече двернику: «Иди ко игумену и рцы: «Он сии брат ти есть, и многим трудом до тебе приидох»». И пришед дверник, обрете игумена с богатыми беседующа, и постояв же мало и возвести ему о убозем, не ведый, яко Христос есть. Игумен же своряшеся на него глаголя: «Не видиши ли мене с человеки беседующа, да почто еси пустил. Небрези ныне». И отъиде дверник. Долготерпиливый же Господь, ожидая его, дондеже изыдет. При пятом же часе, богат некто прииде, его же вборзе игумен сам во вратех стрете. И ту узрев игумена с богатыми, богатый милостию и смиренных друг Христос, моли игумена рекий: «Слово Ми есть к тебе, отче». Он же ни озреся, но с богатым иде на обед. И паки по обеде проводив до врат богатаго, и возвратися, небрег моления убогаго и беззлобиваго старца. Вечеру же бывшу, не сподобися прияти Небеснаго того воистину странника. И отъиде, рек вратнику: «Сице рцы игумену: «Понеже славы человечестей хощеши. Аз бо предних дела трудов твоих, и древняго жития пришел бех, благословение хотя вдати тебе, и не восхотел си. И се ныне от всея страны сея вельможы послю к тебе, понеже требования хощеши. Благих же Царства Моего не требуеши»». И тако познася Вседержитель Христос во образе нищаго пришедший. Се же мы слышаше, братие, не отвращаем очию от убогих, зане Сам Христос Вседержитель ходит во образе нищаго. Дающей бо нищему, Христу в руце дают, ядущеи же с богатыми и пиющеи славохотие мира сего исполняют. Не удобь есть велбуду сквозе иглине уши пройти, ни богату в Царство Небесное. Аз же не богатство хуля глаголю, но иже не умеющих жити в богатстве наказую, и собирающих сокровище, и ненавидящих нищих, губящих свое царство, и во власть диаволу дающихся. Молю же вы, братия моя, слышаще се, будем милостиви, и странноприимцы и нищелюбцы, да вечных благ сподобимся прияти.

(Пролог. М., 1910. Л. 219 об. — 220 об.)
<< | >>
Источник: Игорь Александрович Припачкин. ИКОНОГРАФИЯ ГОСПОДА ИИСУСА ХРИСТА. 2001

Еще по теме СЛОВО О НЕКОЕМ ИГУМЕНЕ, ЕГО ЖЕ ИСКУСИ ХРИСТОС ВО ОБРАЗЕ НИЩЕГО:

  1. ХРИСТОС В ОБРАЗЕ НИЩЕГО
  2. Богочеловек Христос детоводительствует как Слово Божие
  3. ХРИСТОС В ОБРАЗЕ АНГЕЛА
  4. Богочеловек Христос детоводительствует как Образ Бога
  5. Печерский монастырь—«свеча горящая», и его игумен—святой Феодосий Печерский
  6. 30. Иисус Христос. Его рождение, жизнь и смерть
  7. Об образе зачатия Слова и о Божественном Его воплощении
  8. Книга третья ОБРАЗ МЫСЛИ НИЦШЕ В КОНТЕКСТЕ ЕГО ЭКЗИСТЕНЦИИ В ЦЕЛОМ
  9. Глава 51 КАКИМ ОБРАЗОМ БОГ СОЗЕРЦАЕМ ЧЕРЕЗ [ЕГО] СУЩНОСТЬ
  10. Игуменья Афанасия (Лепешкина)
  11. Игуменья Маргарита (Гунаронуло)
  12. Игумен Соловецкий Зосима
  13. Игумен Радонежский Никон
  14. ИГУМЕН ДАНИИЛ В СВЯТОЙ ЗЕМЛЕ
  15. Игумен Киево-Печерский Никон
  16. ОПРАВДАНИЕ БОГА НА ОСНОВАНИИ ЕГО СПРАВЕДЛИВОСТИ, СОГЛАСОВАННОЙ С ПРОЧИМИ ЕГО СОВЕРШЕНСТВАМИ И ВСЕМИ ЕГО ДЕЙСТВИЯМИ 1.
  17. Игумен Иннокентий (Павлов) Геннадиевская Библия 1499 г. как синтез библейских традиций
  18. А. Иисус как Христос
  19. ГЛАВА 1 ИИСУС ХРИСТОС